പുത്തനത്താണി: വിലക്കയറ്റം പിടിച്ചുനിര്‍ത്തുന്നതിനു നടപ്പാക്കിയ സഞ്ചരിക്കുന്ന ത്രിവേണി സ്റ്റോറുകള്‍ പുത്തനത്താണി ഗോഡൗണിനു സമീപം തുരുമ്പെടുക്കുന്നു. ഇത്തരത്തില്‍ നാലില്‍ കൂടുതല്‍ വാഹനങ്ങളാണ് പുത്തനത്താണി പഴയ ജാസ് തിയറ്ററായിരുന്ന ഇപ്പോള്‍ ത്രിവേണി ഗോഡൗണായി പ്രവര്‍ത്തിക്കുന്നിടത്ത് അലക്ഷ്യമായിക്കിടന്നു നശിക്കുന്നത്.
കോടികള്‍ ചെലവഴിച്ചാണ് സംസ്ഥാനത്ത് ത്രിവേണി സ്റ്റോറുകള്‍ക്കു വാഹനങ്ങള്‍ നല്‍കിയത്. ആര്‍ക്കും ഉപകാരപ്പെടാതെ വാഹനങ്ങള്‍ ഇങ്ങനെ കിടക്കുന്നതില്‍ പ്രതിഷേധം ശക്തമായിട്ടുണ്ട്.