റിയാദ്: സഊദി എണ്ണ കമ്പനിയിലെ തീപിടിത്തത്തില്‍ രണ്ടുപേര്‍ മരിച്ചതായി ആരാംകോ കമ്പനി അധികൃതര്‍ വാര്‍ത്താ കുറിപ്പില്‍ പറഞ്ഞു. 16 പേര്‍ക്ക് പൊള്ളലേറ്റു. ബുധനാഴ്ച വൈകിട്ടാണ് തീപിടിത്തമുണ്ടായത്. പെട്ടെന്ന് തീയണയ്ക്കാനായതാണ് വന്‍ ദുരന്തം ഒഴിവാക്കിയത്.
 എണ്ണ ശുദ്ധീകരണ ശാലയിലെ ടാങ്കിനുള്ളിലുണ്ടായ സ്‌ഫോടനമാണ് തീപിടിത്തത്തിന് കാരണം. മരിച്ചവര്‍ ഏതുരാജ്യക്കാരാണെന്ന് വ്യക്തമല്ല. ദേശീയ എണ്ണക്കമ്പനിയായ സഊദി അരാംകോയിലെ  ജീവനക്കാരില്‍ കൂടുതലും സഊദി സ്വദേശികളാണ്. കഴിഞ്ഞ സെപ്തംബറില്‍ അരാംകോയുടെ റാസ് തനൂറയിലെ എണ്ണ ടെര്‍മിനലിലും തീപിടിത്തം നടന്നിരുന്നു. എട്ടുപേര്‍ക്ക് അന്ന് പരുക്കേറ്റിരുന്നു.