കുമ്പള: ആരോഗ്യവകുപ്പിന്റെ നേതൃത്വത്തില്‍ കുമ്പളയിലും പരിസര പ്രദേശത്തെയും കടകളില്‍ നടത്തിയ റെയ്ഡില്‍ നിരോധിത പുകയില ഉല്‍പന്നങ്ങള്‍ കണ്ടെത്തി. കുമ്പള സ്‌കൂള്‍ പരിസരത്തുനിന്നും പുകയില ഉല്‍പന്നങ്ങള്‍ പിടിച്ചെടുത്തു. ശുചിത്വമില്ലാത്ത ഭക്ഷണ ശാലകള്‍ക്കും ഷോപ്പുകള്‍ക്കും നോട്ടിസ് നല്‍കി. 50 മൈക്രോണില്‍ താഴെയുള്ള പ്ലാസ്റ്റിക് ഉല്‍പന്നങ്ങള്‍ ഉപയോഗിക്കുന്നതിനെതിരേ കര്‍ശനമായ മുന്നറിയിപ്പും നല്‍കി. പരിശോധന കര്‍ശനമായി തുടരുമെന്ന് അധികൃതര്‍ അറിയിച്ചു. സാമൂഹ്യ ആരോഗ്യ കേന്ദ്രം ഹെല്‍ത്ത് ഇന്‍സ്‌പെക്ടര്‍ സുബ്രഹ്മണ്യന്റെ നേതൃത്വത്തിലാണു റെയ്ഡ് നടന്നത്. ജെ.എച്ച്.ഐ മാരായ പ്രീജിത്ത്, ബാലചന്ദ്രന്‍ ജോഗേഷ് എന്നിവരും റെയ്അഡില്‍ പങ്കെടുത്തു.