വാഷിങ്ടണ്‍: യു.എസില്‍ അട്ടിമറി വിജയം നേടിയ ഡൊണാള്‍ഡ് ട്രംപിനെ അംഗീകരിക്കുന്നതായി ഡെമോക്രാറ്റിക് സ്ഥാനാര്‍ഥി ഹിലരി ക്ലിന്റന്‍.
മുന്‍ പ്രസിഡന്റും ഭര്‍ത്താവുമായ ബില്‍ ക്ലിന്റനൊപ്പമാണ് ഹിലരി രാജ്യത്തെ അഭിസംബോധന ചെയ്തത്. ജയിക്കാന്‍ കഴിയാത്തതില്‍ ക്ഷമയും ചോദിച്ചു. ട്രംപിനു മുന്നിലുള്ള പരാജയം തന്നെ കൂടുതല്‍ വേദനിപ്പിക്കുന്നതായി ഹിലരി പറഞ്ഞു. രാജ്യം ഭിന്നിച്ചിരിക്കുന്നു. അതിന്റെ ആഴം ഇപ്പോഴാണ് വ്യക്തമാകുന്നത്. പക്ഷേ ഇന്നും ഞാന്‍ അമേരിക്കയില്‍ വിശ്വസിക്കുന്നതായും ഹിലരി പറഞ്ഞു.