വാഷിങ്ടണ്‍: യു.എസ് പ്രസിഡന്റ് ബരാക് ഒബാമ ആരോഗ്യ ഇന്‍ഷുറന്‍സ് മേഖലയില്‍ നടപ്പാക്കിയ ഒബാമ കെയര്‍ തുടരുമെന്ന് നിയുക്ത പ്രസിഡന്റ് ഡൊണാള്‍ഡ് ട്രംപ്. വൈറ്റ് ഹൗസില്‍ ഒബാമയുമായുള്ള കൂടിക്കാഴ്ചയ്ക്ക് ശേഷം സംസാരിക്കുകയായിരുന്നു ട്രംപ്. പദ്ധതില്‍ കാതലായ മാറ്റങ്ങളുണ്ടാകില്ലെന്നും അദ്ദേഹം സൂചന നല്‍കി. ഒബാമ തന്റെ സ്വപ്നപദ്ധതിയായാണ് ഒബാമ കെയര്‍ 2010ല്‍ തുടങ്ങിയത്. തെരഞ്ഞെടുപ്പ് പ്രചരണസമയത്ത് പദ്ധതിയെ റിപ്പബ്ലിക്കന്‍ പാര്‍ട്ടി ശക്തമായി എതിര്‍ത്തിരുന്നു.