കൊല്‍ക്കത്ത: നോട്ട് അസാധുവാക്കല്‍ നടപടിക്കുശേഷം കള്ളപ്പണം ഉപേക്ഷിക്കുന്ന സംഭവങ്ങള്‍ തുടരുന്നു. കൊല്‍ക്കത്തയില്‍ ആയിരത്തിന്റെയും അഞ്ഞൂറിന്റെയും നോട്ടുകള്‍ നിറച്ച രണ്ടു ചാക്കുകളാണ് ഉപേക്ഷിച്ച നിലയില്‍ കണ്ടെത്തിയത്. രാവിലെ കൊല്‍ക്കത്തയിലെ ഗോള്‍ഫ് ക്ലബ് റോഡിലാണ് പണം കണ്ടെത്തിയത്. നാട്ടുകാരാണ് മാലിന്യ കൂമ്പാരത്തില്‍ ഇത് കണ്ടെത്തിയത്. ഉടന്‍ പൊലിസിനെ അറിയിച്ചു. തുടര്‍ന്നു നടത്തിയ പരിശോധനയില്‍ യഥാര്‍ഥ നോട്ടുകള്‍ തന്നെയാണ് ഇവയെന്ന് തിരിച്ചറിഞ്ഞിട്ടുണ്ട്. ഉത്തര്‍ പ്രദേശില്‍ ഗംഗാ നദിയില്‍ നോട്ടുകള്‍ ഒഴുകിയ സംഭവം കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.