മലപ്പുറം: 500, 1000 നോട്ടുകള്‍ പിന്‍വലിച്ചതിനാല്‍ കച്ചവടക്കാര്‍ക്കും പൊതുജനങ്ങള്‍ക്കുമുണ്ടാകുന്ന ബുദ്ധിമുട്ടുകളില്‍ പ്രതിഷേധിച്ചു കേരളത്തിലെ ഒരു വ്യാപാരി സംഘടന ആഹ്വാനം ചെയ്ത കടയടപ്പ് സമരം നാളെമുതല്‍. എന്നാല്‍, സമരത്തില്‍ പങ്കെടുക്കില്ലെന്നു കേരള റീട്ടെയില്‍ വ്യാപാരി വ്യവസായി ഏകോപന സമിതി അറിയിച്ചു.
സംസ്ഥാന പ്രസിഡന്റ് ലൗവ്‌ലി ഹംസ ഹാജിയും ജില്ലാ സെക്രട്ടറി പ്രമേദ് അരിയല്ലൂരുമാണ് ഇക്കാര്യം പത്രക്കുറിപ്പിലൂടെ അറിയിച്ചത്.
പണമില്ലാത്തതിനു പുറമേ വ്യാപാരികള്‍കൂടി സമരത്തിലാകുന്നതോടെ ജനജീവിതം കൂടുതല്‍ ദുസഹമാകും.