കോവളം: വെങ്ങാനൂരില്‍ ബസില്‍ കയറാന്‍ നിന്ന വിദ്യാര്‍ത്ഥിനികളുടെ കാലില്‍ ബസിന്റെ പിന്‍ചക്രം കയറി മുന്ന് പേര്‍ക്ക് പരുക്കേറ്റു.
വെങ്ങാനൂര്‍ ഗേള്‍സ് ഹയര്‍സെക്കന്‍ഡറി സ്‌കൂളിലെ വിദ്യാഥിനികളായ ജാസ്മിന്‍, സുഹാന, ബരിപ്രിയ എന്നിവര്‍ക്കാണ് പരുക്കേറ്റത്.
ഇന്നലെ വൈകുന്നേരം 4.30നായിരുന്നു അപകടം. ഏറെ തിരക്കുണ്ടായ സമയത്ത് സ്‌കൂള്‍ വിട്ട് വീട്ടിലേക്ക് പോകാന്‍ ബസില്‍ കയറാനെത്തിയ കുട്ടികള്‍ കയറുന്നതിനിടെയാണ് അപകടം.
മുന്നോട്ട് നീങ്ങിയ ബസിന്റെ പിന്‍ചക്രം കാലിലൂടെ കയറിയതിനെ ത്തുടര്‍ന്ന് കുട്ടികളുടെ എല്ലിന് പൊട്ടലുണ്ടായി. ഇവരെ മെഡിക്കല്‍
കോളജാശുപത്രിയില്‍ പ്രവേശിപ്പിച്ചു.