ബാലുശ്ശേരി : വിദേശ മദ്യവില്‍പ്പന നടത്തിയതിന് ഒരാളെ ബാലുശേരി റേഞ്ച് എക്‌സൈസ് ഇന്‍സ്‌പെക്ടര്‍ ആര്‍.എന്‍ ബൈജുവും സംഘവും അറസ്റ്റ് ചെയ്തു. പൂനൂര്‍ മൊകായിക്കല്‍ ജനാര്‍ദ്ദനന്‍ (61) ആണ് അറസ്റ്റിലായത്. പൂനൂരില്‍ ബാര്‍ബര്‍ഷാപ്പ് ഉടമയാണ് ജനാര്‍ദ്ദനന്‍. ഇയാളില്‍ നിന്ന് രണ്ട് ലിറ്റര്‍ മദ്യം പിടിച്ചെടുത്തു. വിദ്യാര്‍ഥികള്‍ക്കിടയില്‍ ലഹരി മരുന്നു വില്‍പ്പന നടത്തുന്നുവെന്ന് ഇയാളുടെ പേരില്‍ പരാതിയുണ്ടായിരുന്നു. കഞ്ചാവ് വില്‍പ്പന നടത്തിയതിന് നേരത്തെ അറസ്റ്റിലായിരുന്നു. ആ കേസ്സില്‍ ജാമ്യത്തിലിറങ്ങിയാണ് മദ്യ വില്‍പ്പന തുടങ്ങിയതെന്ന് എക്‌സൈസ് ഇന്‍സ്‌പെക്ടര്‍ പറഞ്ഞു. പരിശോധനയില്‍ പ്രിവന്റീവ് ഓഫിസര്‍ എന്‍. സിറാജ്, സി ഇ .ഒ വി. പ്രജിത്ത്, സി.കെ ശ്രീജിത്ത് കൃഷ്ണന്‍ എന്നിവര്‍ പങ്കെടുത്തു.