അങ്കമാലി:  ഗൃഹനാഥയെ സര്‍ക്കാര്‍ ജീവനക്കാരന്‍ മര്‍ദിച്ചതായി പരാതി. കവരപ്പറമ്പ് പള്ളിയ്ക്ക് സമീപം താമസിക്കുന്ന മേനാച്ചേരി അന്തോണി ജോമോന്റെ ഭാര്യ നിബി (35)നാണ് മര്‍ദനമേറ്റത്. അസുഖത്തെ തുടര്‍ന്ന് ഓപ്പറേഷനു ശേഷം വീട്ടില്‍ വിശ്രമത്തിലായിരുന്ന യുവതിയെ വീട്ടില്‍ കയറി ബലമായി പിടിച്ചു വലിച്ചു മുറ്റത്ത് കൊണ്ടിട്ട് മര്‍ദിച്ചതായാണ് പരാതി. യുവതിയുടെ ശബ്ദം കേട്ട് ഓടി വന്ന ഭര്‍ത്താവ് ജോമോനേയും ഇയാള്‍ മര്‍ദിച്ചു. പിന്നീട് ഓടിക്കൂടിയ നാട്ടുകാരാണ് അവശ നിലയിലായ ഇവരെ ആശുപത്രിയിലെത്തിച്ചത്. പ്രതിയെ തിരിച്ചറിഞ്ഞതായി പൊലിസ് പറഞ്ഞു. അങ്കമാലി പൊലിസ് കേസെടുത്ത് അന്വേഷണം ആരംഭിച്ചു.