കോഴിക്കോട്: ഷീ ടാക്‌സിയില്‍ യാത്രക്കാരെ കയറ്റിയതിനെതിരെ അക്രമം നടത്തിയെന്നാരോപിച്ച് ടാക്‌സി ഡ്രൈവറെ അറസ്റ്റ് ചെയ്തതില്‍ പ്രതിഷേധിച്ച് ഇന്ന് നഗരത്തില്‍ ടാക്‌സി ഡ്രൈവേഴ്‌സ് സംയുക്ത സമരസമിതിയുടെ ആഭിമുഖ്യത്തില്‍ ഒരു വിഭാഗം ടാക്‌സി ഡ്രൈവര്‍മാര്‍ പണിമുടക്ക് നടത്തും. ഇന്ന് രാവിലെ ആറ് മുതല്‍ വൈകീട്ട് ആറ് മണിവരെയാണ് ടാക്‌സി തൊഴിലാളികള്‍ പണിമുടക്ക് നടത്തുക.
ഷീ ടാക്‌സിയില്‍ അധികൃതമായി യാത്രക്കാരെ കയറ്റിയതിനെ ചോദ്യം ചെയ്ത് അക്രമം നടത്തിയെന്ന പരാതിയിലാണ് മൂഴിക്കല്‍ സ്വദേശിയായി ടാക്‌സി ഡ്രൈവര്‍ കെ സുനിലിനെ ടൗണ്‍ പൊലിസ് അറസ്റ്റ് ചെയ്തത്. പൊലിസിന്റെ മധ്യസ്ഥതയില്‍ പ്രശ്‌നം പരിഹരിച്ചെങ്കിലും പൊലിസ് പിന്നീട് ഷീ ടാക്‌സി ഡ്രൈവറുടെ പരാതിയിന്മേല്‍ അറസ്റ്റ് ചെയ്‌തെന്നാണ് ആരോപണം