മോസ്‌കോ: കരിങ്കടലില്‍ തകര്‍ന്നു വീണ റഷ്യന്‍ സൈനിക വിമാനത്തിന്റെ ബ്ലാക്കബോക്‌സുകളിലൊന്ന് കണ്ടെത്തിയതായി റിപ്പോര്‍ട്ട്. കൂടുതല്‍ മൃതദേഹങ്ങളും കണ്ടെത്തിയതായി റിപ്പോര്‍ട്ടിലുണ്ട്. തിരച്ചില്‍ പുരോഗമിക്കുകയാണ്. ബ്ലാക്ക്ബോക്സ് കണ്ടെത്തിയതോടെ അപകടത്തിന്റെ യഥാർഥ കാരണം അറിയാനാവുമെന്നാണ് കരുതുന്നത്.

മൂന്ന് മൃതദേഹങ്ങള്‍ കൂടിയാണ് കഴിഞ്ഞ ദിവസത്തെ തിരച്ചിലില്‍ കണ്ടെത്തിയത്. വിമാനത്തിന്റെ കൂടുതല്‍ അവശിഷ്ടങ്ങളും കണ്ടെത്തിയിട്ടുണ്ട്.

സിറിയയിലെ ലതാകിയ പ്രവിശ്യയിലേക്ക് പുറപ്പെട്ട പ്രതിരോധമന്ത്രാലയത്തിന്റെ ടുപൊലെവ് ടു 154 എന്ന വിമാനമാണ് തകര്‍ന്നുവീണത്.

സോച്ചിയിലെ ബ്ലാക്ക് സീ റിസോര്‍ട്ടില്‍നിന്നു ടേക്ക് ഓഫ് ചെയ്ത് വിമാനം മിനിറ്റുകള്‍കമാണ് റഡാറില്‍ നിന്ന് അപ്രത്യക്ഷമായത്. വിമാനത്തില്‍ 84 യാത്രക്കാരും 8 ജീവനക്കാരുമാണ് ഉണ്ടായിരുന്നത്.