കോട്ടക്കല്‍: ചങ്കുവെട്ടിയില്‍ ബസുകള്‍ സീബ്രാലൈനില്‍ നിര്‍ത്തുന്നതായി പരാതി. ചങ്കുവെട്ടി തൃശൂര്‍ ഭാഗത്തേക്കുള്ള ബസ്‌സ്റ്റോപ്പിലും കോഴിക്കോട് ഭാഗത്തേക്കുള്ള ബസ് സ്‌റ്റോപ്പിലുമാണ് ദീര്‍ഘദൂര ബസുകള്‍ അലക്ഷ്യമായി നിര്‍ത്തുന്നത്. ഇതുമൂലം കാല്‍നടയാത്രക്കാര്‍ക്ക് റോഡ് മുറിച്ചുകടക്കാന്‍ പറ്റാത്ത സ്ഥിതിയാണുള്ളത്. ഒന്നിലധികം ബസുകള്‍ ഒരേസമയം എത്തുമ്പോഴാണ് ഈ പ്രയാസം. ഇതുമൂലം ബസുകള്‍ റോഡിനു നടുവിലും യാത്രക്കാരെ ഇറക്കിവിടുന്നുണ്ട്. കോട്ടക്കല്‍ ഭാഗത്ത്‌നിന്നെത്തുന്ന വാഹനങ്ങള്‍ക്ക് ദേശീയപാതയിലേക്ക് കടക്കാനും ഏറെ പ്രയാസമാണ്.