ലഖ്‌നോ:തെരഞ്ഞെടുപ്പു പ്രചാരണ രംഗത്ത് വലിയ മുന്നേറ്റം നടത്തിയ ബഹുജന്‍ സമാജ് പാര്‍ട്ടി 403 നിയമ സഭാ മണ്ഡലങ്ങളിലേക്കുള്ള 100 സ്ഥാനാര്‍ഥികളുടെ ആദ്യ പട്ടിക പുറത്തിറക്കി.
ജനസംഖ്യയില്‍ മൂന്നിലൊരു ഭാഗം മുസ്്‌ലിങ്ങളായതുകൊണ്ട് ആദ്യപട്ടികയില്‍ മുസ്‌ലിം സ്ഥാനാര്‍ഥികളും ഇടംനേടിയിട്ടുണ്ട്. 100 സീറ്റുകളില്‍ 36 സീറ്റുകളിലാണ് മുസ്്‌ലിം സ്ഥാനാര്‍ഥികള്‍ക്കായി നീക്കിവച്ചിരിക്കുന്നത്.
അടുത്ത ഘട്ട സ്ഥാനാര്‍ഥി പട്ടിക ഉടന്‍ പുറത്തിറക്കുമെന്ന് ലഖ്‌നോയില്‍ ബി.എസ്.പി പുറത്തിറക്കിയ പത്രക്കുറിപ്പില്‍ അറിയിച്ചു. 403 സീറ്റിലേക്കുമുള്ള സ്ഥാനാര്‍ഥികളെ സംബന്ധിച്ച ഏതാണ്ട് ധാരണയില്‍ പാര്‍ട്ടി എത്തിയിട്ടുണ്ടെന്ന് മായാവതി അറിയിച്ചു.
ഓരോ സമുദായത്തിനും നല്‍കുന്ന സീറ്റുകളുടെ എണ്ണവും കണക്കാക്കിയിട്ടുണ്ട്. ദലിതുകള്‍ക്ക് 87 സീറ്റുകള്‍, മുസ്്‌ലിങ്ങള്‍ക്ക് 97 സീറ്റുകള്‍, മറ്റുപിന്നോക്ക വിഭാഗങ്ങള്‍ക്ക് 106 സീറ്റുകള്‍ എന്നിങ്ങനെയാണ് നീക്കി വച്ചിരിക്കുന്നത്.