പത്തനംതിട്ട: ഹൈക്കോടതി ഉത്തരവിനെ തുടര്‍ന്ന് പുനരാരംഭിച്ച ശബരിമലയിലെ അപ്പം നിര്‍മാണം സജീവമായി. ഭക്ഷ്യ സുരക്ഷാ വിഭാഗം അപ്പത്തിനുള്ള അരിയുടെ സാമ്പിളുകള്‍ പരിശോധനക്കായി ശേഖരിച്ചതോടെയാണ് നിര്‍മാണം സജീവമായത്.
ദിവസം 80,000 ല്‍പ്പരം അപ്പമാണ് ഇവിടെ നിര്‍മിക്കുന്നത്. ബുധനാഴ്ച മാത്രം 88, 412 രൂപയുടെ അപ്പം വിറ്റു. മകരവിളക്ക് തീര്‍ഥാടകരുടെ ഒഴുക്ക് വര്‍ധിച്ചതോടെ അപ്പം വില്‍പ്പനയും വര്‍ധിച്ചതായി എക്‌സിക്യൂട്ടീവ് ഓഫിസര്‍ ആര്‍. രവിശങ്കര്‍ അറിയിച്ചു. മകരവിളക്ക് പ്രമാണിച്ചു ഇടവേളകളില്ലാതെയാണ് അപ്പം നിര്‍മാണം നടക്കുന്നത്.