കൊണ്ടോട്ടി: മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയുടെ മൂന്നു വര്‍ഷത്തെ മാപ്പിളപ്പാട്ട് പരിശീലനത്തിലേക്കുള്ള അപേക്ഷ 14വരെ സ്വീകരിക്കും. നാലു മുതല്‍ എട്ടു വരെ ക്ലാസുകളിലെ വിദ്യാര്‍ഥികള്‍ക്കാണ് അപേക്ഷിക്കാവുന്നത്. ഞായറാഴ്ചകളിലാണ് പരിശീലനം.
ആദ്യവര്‍ഷം മാപ്പിളപ്പാട്ട് ആലാപനം, രണ്ടാം വര്‍ഷം ഹാര്‍മോണിയം പരിശീലനം, അവസാന വര്‍ഷം അവതരണ പരിശീലനം എന്നിവയാണുള്ളത്. 21നാണ് കൂടിക്കാഴ്ച. 28ന് ക്ലാസുകള്‍ ആരംഭിക്കും. അപേക്ഷാഫോമും വിശദവിവരങ്ങളും അക്കാദമിയില്‍നിന്നു നേരിട്ട് ലഭിക്കും. വിലാസം: സെക്രട്ടറി, മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി, കൊണ്ടോട്ടി പി.ഒ 673638, ഫോണ്‍:0483 2711432.