ലൊസേന്‍: അന്താരാഷ്ട്ര ഹോക്കി ഫെഡറേഷന്റെ പുരസ്‌കാരങ്ങള്‍ക്കുള്ള സാധ്യത വര്‍ധിപ്പിച്ച് ശ്രീജേഷും, ഹര്‍മാന്‍പ്രീത് സിങും. മികച്ച ഗോള്‍ കീപ്പര്‍ പട്ടികയില്‍ ശ്രീജേഷിന് സാധ്യതയുള്ളത്. സമീപകാലത്ത് ഇന്ത്യയുടെ മികച്ച വിജയങ്ങളും അതില്‍ താരം വഹിച്ച പങ്കും അവാര്‍ഡിന് പരിഗണിച്ചേക്കാനിടയുണ്ട്. ഇക്കാര്യം ഹോക്കി ഇന്ത്യ സ്ഥിരീകരിച്ചു.
അതേസമയം യുവതാരം ഹര്‍മാന്‍പ്രീത് റൈസിങ് സ്റ്റാര്‍ പുരസ്‌കാരത്തിന് സാധ്യതയുള്ള താരമാണ്. 18കാരനായ ഹര്‍മാന്‍പ്രിത് സീസണില്‍ തകര്‍പ്പന്‍ പ്രകടനമാണ് കാഴ്ച്ചവച്ചത്. ഫെബ്രുവരി 23ന് ചണ്ഡീഗഢില്‍ വച്ചാണ് പുരസ്‌കാരം നല്‍കുന്നത്. ഹോക്കി ഇന്ത്യയുമായി സഹകരിച്ചാണ് അന്താരാഷ്ട്ര ഹോക്കി ഫെഡറേഷന്‍ ചടങ്ങ് സംഘടിപ്പിക്കുന്നത്.
കഴിഞ്ഞ കുറച്ചു വര്‍ഷങ്ങളായി ഇന്ത്യയൊഴികെയുള്ള രാജ്യത്തെ താരങ്ങള്‍ നിരവധി പുരസ്‌കാരങ്ങള്‍ ലഭിക്കുന്നുണ്ട്. ഇത്തവണ അത് മാറിയേക്കും. മികച്ച ഗോള്‍കീപ്പര്‍, റൈസിങ് സ്റ്റാര്‍, കോച്ച്, അമ്പയര്‍ എന്നീ വിഭാത്തിലാണ് പുരസ്‌കാരം നല്‍കുന്നത്.