ന്യൂഡല്‍ഹി: സംഘ്പരിവാര്‍ സംഘടനയായ ബജ്‌റംഗ്ദള്‍ രാജ്യത്തിന്റെ വിവിധ ഭാഗങ്ങളില്‍ ആയുധ പരിശീലന ക്യാംപുകള്‍ സംഘടിപ്പിക്കുന്നതായ റിപ്പോര്‍ട്ടുകള്‍ ഗൗരവമേറിയതാണെന്ന് സി.പി.ഐ അഭിപ്രായപ്പെട്ടു. നിയമസഭാ തെരഞ്ഞെടുപ്പ് നടക്കാനിരിക്കുന്ന യു.പിയില്‍ സംഘ്പരിവാര്‍ വര്‍ഗീയ ധ്രുവീകരണത്തിനുള്ള ശ്രമം തുടങ്ങിയിട്ടുണ്ട്. അതിന്റെ ഭാഗമാണ് ഇത്തരം ക്യാംപുകള്‍. മുസ്്‌ലിംകളും ദലിതുകളുമുള്‍പ്പെടെയുള്ളവരെ ഭീതിയിലാഴ്ത്താനാണ് ബജ്‌റംഗ്ദളിന്റെ ശ്രമം. അവരെ ന്യായീകരിച്ച് യു.പി ഗവര്‍ണര്‍ രാംനായിക്ക് നടത്തിയ പ്രസ്താവനകള്‍ അദ്ദേഹത്തിന്റെ പദവിക്ക് ചേര്‍ന്നതല്ലെന്നും ഡല്‍ഹിയില്‍ ചേര്‍ന്ന സി.പി.ഐ ദേശീയ നിര്‍വാഹക സമിതി വ്യക്തമാക്കി.