തെല്‍അവീവ്: ടെലികോം അഴിമതി വിവാദത്തില്‍ ഉള്‍പ്പെട്ട പ്രധാനമന്ത്രി ബിന്‍യാമീന്‍ നെതന്യാഹുവിനെ ഇസ്‌റാഈല്‍ പൊലിസ് വീണ്ടും ചോദ്യം ചെയ്തു. ഇന്നലെ രാവിലെ നെതന്യാഹുവിന്റെ ജറൂസലമിലെ വസതിയിലെത്തിയാണ് ചോദ്യം ചെയ്യുകയും ആരോപണങ്ങളുമായി ബന്ധപ്പെട്ടു വിശദാംശങ്ങള്‍ തേടുകയും ചെയ്തത്.
ഇസ്‌റാഈലിലെ ടെലികോം ഭീമന്മാരായ ബെസെഖുമായി ബന്ധപ്പെട അഴിമതി കേസില്‍ ഇതു രണ്ടാം തവണയാണ് നെതന്യാഹുവിനെ പൊലിസ് ചോദ്യം ചെയ്യുന്നത്. മറ്റു കേസുകളിലായി ഇത് ഒന്‍പതാമത്തെ തവണയുമാണ് അദ്ദേഹം ചോദ്യം ചെയ്യലിനിരയാകുന്നത്. നെതന്യാഹുവിന്റെ ഭാര്യ സാറ, മകന്‍ യൈര്‍, ബെസെഖിന്റെ ഏറ്റവും വലിയ ഓഹരി ഉടമ എന്നിവരെയും പൊലിസ് ചോദ്യം ചെയ്തു.