കൊച്ചി: നെടുമ്പാശേരി സ്വര്‍ണക്കടത്തു കേസില്‍ 25 ലക്ഷം രൂപ കൈക്കൂലി വാഗ്ദാനം ചെയ്തതായി കേസ് പരിഗണിക്കുന്ന ഹൈക്കോടത് ജഡ്ജി ജസ്റ്റിസ് കെ.ടി ശങ്കരന്‍. ഇതിനെതുടര്‍ന്ന് കേസ് ഒഴിയുകയാണെന്ന് ജഡ്ജി തുറന്ന കോടതിയില്‍ അറിയിച്ചു.

കൊഫെപോസ (കള്ളക്കടത്തു തടയല്‍ നിയമം) നിയമത്തില്‍ നിന്നും ഒഴിവാക്കിയാല്‍ 25 ലക്ഷം രൂപ നല്‍കാമെന്നാണ് ഫോണ്‍ വഴി തന്നെ അറിയിച്ചതെന്ന് അദ്ദേഹം അറിയിച്ചു. കേസില്‍ നിന്നും താന്‍ പിന്‍മാറുന്നതിന് പ്രതികള്‍ സ്വീകരിച്ച തന്ത്രമാണോ ഇതെന്ന് സംശയിക്കുന്നതായും അദ്ദേഹം പറഞ്ഞു.

2013 മുതല്‍ 2015 വരെ നെടുമ്പാശേരി വിമാനത്താവളം വഴി സ്വര്‍ണം കടത്തിയ കേസില്‍ മൂവാറ്റുപുഴ സ്വദേശികളായ യാസിര്‍, പി.എ നൗഷാദ്, ബഷീര്‍ തുടങ്ങിയവരാണ് പ്രതികള്‍. ഇവര്‍ കൊഫെപോസ തടങ്കല്‍ ചോദ്യം ചെയ്തു സമര്‍പ്പിച്ച ഹരജി പരിഗണിക്കവെയാണ് സംഭവം