രൂപ്‌നഗര്‍: മുന്‍ കാമുകിയുടെ പ്രതിശ്രുത വരനെ കൊലപ്പെടുത്തിയ ജവാനെ പൊലിസ് അറസ്റ്റ് ചെയ്തു. കമല്‍ ദേവ് എന്ന 27 കാരനാണ് അറസ്റ്റിലായത്. ഹിമാചല്‍ പ്രദേശിലെ ഉനയില്‍കഴിഞ്ഞ ഞായറാഴ്ച്ചയാണ് സംഭവമുണ്ടായത്.

സംഭവത്തെ കുറിച്ച് പൊലിസ് പറയുന്നതിങ്ങനെ,
മുന്‍കാമുകിയായ ശിവാനി ശര്‍മയെയും നീരജ് കുമാറിനെയും ഉനയില്‍ ബസ് സ്‌റ്റോപ്പില്‍ വെച്ച് കണ്ട കണ്ട കമല്‍ ഇരുവരെയും ശല്യം ചെയ്യുകയും ഭീഷണിപ്പെടുത്തുകയും ചെയ്തു. ഇത് തടഞ്ഞ നീരജിനെ മൂര്‍ച്ചയുള്ള ആയുധം കൊണ്ട് കമല്‍ കുത്തുകയായിരുന്നു. ശിവാനിയ്ക്കും ഗുരുതരമായി പരുക്കേറ്റു. നാട്ടുകാര്‍ ഇരുവരെയും സമീപത്തുള്ള ആശുപത്രിയില്‍ എത്തിച്ചെങ്കിലും നീരജിനെ രക്ഷിക്കാനായില്ല. കഴുത്ത് ആഴത്തിലേറ്റ മുറിലവാണ് ഇയാളുടെ മരണകാരണമെന്ന് ഡോകടര്‍മാര്‍ പറഞ്ഞു.

നാട്ടുകാരാണ് കമലിനെ പിടിച്ച് പൊലിസിലേല്‍പ്പിച്ചത്. കമലുമായുള്ള വിവാഹത്തിന് ശിവാനിയുടെ വീട്ടുകാര്‍ എതിര്‍ത്തിരുന്നു. ഇതോടെ മറ്റൊരാളുമായി ശിവാനിയുടെ വിവാഹനിശ്ചയം നടത്തുകയായിരുന്നു. ആഗസ്്റ്റിലാണ് ഇവരുടെ വിവാഹം നടക്കാനിരുന്നത്.