ശ്രീനഗര്‍: ജമ്മു കശ്മീരില്‍ അജ്ഞാതന്റെ വെടിവയ്പ്പില്‍ 35 കാരന്‍ കൊല്ലപ്പെട്ടു. ബരാമുല്ല ജില്ലയിലെ ഹര്‍വാന്‍ ബൊമായ് ഗ്രാമത്തിലാണ് സംഭവം. വെടിവയ്പ്പിനു പിന്നില്‍ തീവ്രവാദിയാണെന്നും എന്നാല്‍ വ്യക്തമായിട്ടില്ലെന്നും പൊലിസ് വൃത്തങ്ങള്‍ പ്രസ്താവനയില്‍ പറഞ്ഞു.

മുഹമ്മദ് അഷ്‌റഫ് മിര്‍ എന്നയാളാണ് കൊല്ലപ്പെട്ടത്. ഇയാളുടെ ഭാര്യയ്ക്ക് നല്ല പരുക്കുണ്ട്. സംഭവത്തില്‍ അന്വേഷണം നടക്കുകയാണ്.

അതിനിടെ ഹാജിനില്‍ രണ്ട് സാധാരണക്കാരുടെ മൃതദേഹം കണ്ടെടുത്തു. വെള്ളിയാഴ്ച രാത്രിയാണ് ഇവര്‍ കൊല്ലപ്പെട്ടത്. ശനിയാഴ്ച രാവിലെയാണ് മൃതദേഹം കണ്ടെടുത്തത്.

ജി.എച്ച് ഹസന്‍ ദാര്‍, ബാഷിര്‍ അഹമ്മദ് ദാര്‍ എന്നിവരെയാണ് കൊല്ലപ്പെട്ട നിലയില്‍ കണ്ടെത്തിയത്.