നന്തിബസാര്‍: പുറക്കാട് പ്രദേശത്തെ തന്റെ കര്‍മനൈരന്തര്യം കൊണ്ട് പ്രദീപ്തമാക്കിയ ഇ.കെ അബൂക്കര്‍ ഹാജിക്ക് ആദരം. മഹല്ല് ഖാസി സ്ഥാനം ഏറ്റെടുത്തിട്ട് അന്‍പതു വര്‍ഷം പൂര്‍ത്തിയാക്കിയതിന്റെ ഭാഗമായി ജാമിഅ ഫുര്‍ഖാനിയ്യ ഏഴാം വാര്‍ഷിക സമ്മേളനത്തില്‍ പുറക്കാട് തോട്ടത്തില്‍ മഹല്ല് കമ്മിറ്റിക്കുവേണ്ടി കോഴിക്കോട് ഖാസി പാണക്കാട് സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങള്‍ ഉപഹാരം നല്‍കി ആദരിച്ചു.
സമ്മേളനോപഹാരമായി പുറത്തിറക്കിയ സപ്ലിമെന്റ് കെ.വി കുഞമ്മദിനു നല്‍കി പ്രശസ്ത കഥാകൃത്ത് യു.എ ഖാദര്‍ പ്രകാശനം ചെയ്തു. പി.എസ്.സി മെംബര്‍ ടി.ടി ഇസ്മായില്‍, സി.എച്ച് മഹ്മൂദ് സഅദി, കെ. ശിഹാബുദ്ദീന്‍ ഫൈസി, എസ്.കെ അബൂബക്കര്‍ ബാഖവി, ലിയാഖത്തലി ദാരിമി സംസാരിച്ചു. മഹല്ല് പ്രസിഡന്റ് കെ.എം അബ്ദുല്ലക്കുട്ടി അധ്യക്ഷനായി. എം. സ്വാലിഹ് സ്വാഗതവും ടി.യു.വി റസാഖ് റഹ്മാനി നന്ദിയും പറഞ്ഞു.