പിണങ്ങോട്: ടൗണ്‍ എസ്.വൈ.എസ് കമ്മിറ്റിയുടെ 15-ാം വാര്‍ഷികവും റിലീഫ് വിതരണവും ഈ മാസം 18ന് ഉച്ചക്ക് 2.30ന് പിണങ്ങോട് ദാറുസ്സലാം മദ്‌റസയില്‍ നടക്കുമെന്ന് ഭാരവാഹികള്‍ അറിയിച്ചു.
പാണക്കാട് ബഷീറലി ശിഹാബ് തങ്ങള്‍ ഉദ്ഘാടനം ചെയ്യും. റാഷിദ് ഗസ്സാലി കൂളിവയല്‍ പ്രഭാഷണം നടത്തും. വൈകിട്ട് ഏഴിന് നടക്കുന്ന നാരിയത്ത് സ്വലാത്ത്, മജ്‌ലിസുന്നൂര്‍ ദുആ സംഗമത്തിന് പാണക്കാട് മന്‍സൂര്‍അലി ശിഹാബ് തങ്ങള്‍ നേതൃത്വം നല്‍കും. ആലോചനാ യോഗത്തില്‍ അസ്‌ലം തങ്ങള്‍ അധ്യക്ഷനായി. പി.എം റഊഫ്, കെ.സി നാസര്‍, ഹാരിസ്, മുഷ്താഖ്, മുനീര്‍, സലീം, ഷാജി, ഷമീര്‍ എന്നിവര്‍ സംസാരിച്ചു. സെക്രട്ടറി കോട്ടക്കുഴി സിദ്ധീഖ് സ്വാഗതവും പി.സി സാലിഹ് നന്ദിയും പറഞ്ഞു.