വടകര: ആയഞ്ചേരിയില്‍ നിന്നു 19 കുപ്പി വിദേശ മദ്യവുമായി യുവാവ് പിടിയില്‍. വള്ള്യാട് കുനിയില്‍ വീട്ടില്‍ ദിനേശ (40) നെയാണ് എക്‌സൈസ് ഇന്‍സ്‌പെക്ടര്‍ എം.എസ് ഹനീഫയും സംഘവും അറസ്റ്റ് ചെയ്തത്. മാഹിയില്‍ നിന്നു മദ്യം കടത്താന്‍ ഉപയോഗിച്ച സ്‌കൂട്ടറും കസ്റ്റഡിയിലെടുത്തു. കെ.എസ്.എഫ്.ഇ ഓഫിസിന് മുന്‍വശത്തു നിന്ന് മദ്യം വില്‍ക്കുന്നതിനിടെയാണ് ഇയാള്‍ പിടിയിലായത്. അസി. എക്‌സൈസ് ഇന്‍സ്‌പെക്ടര്‍ കെ.കെ ശ്രീധരന്‍, സിവില്‍ എക്‌സൈസ് ഓഫിസര്‍മാരായ എന്‍.എം ഉനൈസ്, എന്‍.എസ് സുനീഷ്, ജി.ആര്‍ രാഗേഷ് ബാബു, എ.കെ രതീഷ്, കെ.ആര്‍ ഡോനേഷ് കുമാര്‍, ഡ്രൈവര്‍ പുഷ്പരാജന്‍ എന്നിവരാണ് സംഘത്തിലുണ്ടായിരുന്നത്.