2024 ലെ ആദ്യ ഒമ്പത് മാസങ്ങളില്‍ വാര്‍ഷിക ട്രാഫിക്കില്‍ 6.3% വളര്‍ച്ച കൈവരിച്ചു ദുബൈ അന്താരാഷ്ട്ര വിമാനത്താവളം. 2024 സെപ്റ്റംബര്‍ അവസാനം വരെയുള്ള കണക്കുകള്‍ പ്രകാരം ദുബൈ അന്താരാഷ്ട്ര വിമാനത്താവളത്തിലൂടെ ഈ വര്‍ഷം സഞ്ചരിച്ചത് 68.6 ദശലക്ഷം യാത്രികരാണ്.

ഏതാണ്ട് 23.7 ദശലക്ഷം യാത്രികരാണ് 2024ന്റെ മൂന്നാം പാദത്തില്‍ മാത്രം ഈ വിമാനത്താവളം ഉപയോഗിച്ചത്. ദുബൈ അന്താരാഷ്ട്ര വിമാനത്താവളത്തിലൂടെ മൂന്നാം പാദത്തില്‍ 111,300ലധികം ഫ്‌ലൈറ്റുകള്‍ യാത്രാ സേവനങ്ങള്‍ നല്‍കി.

ഇതോടെ ഈ വര്‍ഷത്തെ ആദ്യ ഒമ്പത് മാസത്തെ കണക്കുകള്‍ പ്രകാരം 327,700 ഫ്‌ലൈറ്റ് സര്‍വീസുകളാണ് ദുബൈ അന്താരാഷ്ട്ര വിമാനത്താവളത്തിലല്‍ നടന്നത്. കഴിഞ്ഞ വര്‍ഷത്തെ അപേക്ഷിച്ച് ആകെ ഫ്‌ലൈറ്റുകളുടെ എണ്ണത്തില്‍ 6.4 ശതമാനം വളര്‍ച്ച രേഖപ്പെടുത്തി. 2024ന്റെ അവസാന പാദത്തില്‍ 23.2 ദശലക്ഷം അതിഥികളെ സ്വാഗതം ചെയ്യുമെന്നാണ് ദുബൈ അന്താരാഷ്ട്ര വിമാനത്താവളം പ്രതീക്ഷിക്കുന്നത്.കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Dubai International Airport has reached a significant milestone, serving 68.6 million passengers in just nine months, solidifying its position as one of the world's busiest airports