പുല്‍പ്പള്ളി: ജലനിധി പദ്ധതി കമ്മിഷന്‍ ചെയ്യാത്തതുമൂലം പുല്‍പ്പള്ളി പഞ്ചായത്തിലെ 2,500 ഓളം ഉപഭോക്താക്കള്‍ കുടിവെള്ളം കിട്ടാതെ വലയുന്നു. ജലനിധി പദ്ധതിയില്‍ കുടിവെള്ളം ലഭിക്കുന്നതിന് പണം അടച്ച് കണക്ഷന്‍ എടുത്തിട്ടും പല ദിവസങ്ങളിലും വെള്ളം ലഭിക്കുന്നില്ല. മഴ പെയ്തിട്ടും കുടിവെള്ളക്ഷാമം രൂക്ഷമായതിനെ തുടര്‍ന്നാണ് കൂടുതല്‍ ആളുകളും ജലനിധി പദ്ധതിയെ ആശ്രയിക്കാന്‍ കാരണം.
എന്നാല്‍ കുടിവെള്ള വിതരണം കൃത്യമായി നടത്തുന്നതിന് ജലനിധി അധികൃതര്‍ക്ക് കഴിയാത്ത അവസ്ഥയാണ്. പുല്‍പ്പള്ളി പഞ്ചായത്ത് 13 കോടി രൂപ ചെലവഴിച്ച് പുല്‍പ്പള്ളി പഞ്ചായത്തിലെ മുഴുവന്‍ കുടുംബങ്ങളില്‍ കുടിവെള്ളം ലഭിക്കുന്നതിനായി ആവിഷ്‌കരിച്ച പദ്ധതി ജനങ്ങള്‍ക്ക് പ്രയോജനമില്ലെന്നാണ് ഉപഭോക്താക്കളുടെ പരാതി.
ഗുണനിലവാരം കുറഞ്ഞ പൈപ്പ് ഉപയോഗിച്ചത് മൂലം പലയിടങ്ങളിലും പൈപ്പുകള്‍ പൊട്ടുന്നതും പതിവാണ്.