വൈക്കം: സാമ്പത്തിക കുറ്റകൃത്യത്തിനു വൈക്കം മജിസ്‌ട്രേട്ട് കോടതി പിടികിട്ടാപ്പുള്ളിയായി പ്രഖ്യാപിച്ചിരുന്നയാളെ വൈക്കം ഷാഡോ പൊലിസ് പിടികൂടി.
തലയോലപ്പറമ്പ് പാലാംകടവ് ഇലഞ്ഞിയില്‍ വീട്ടില്‍ രഞ്ജിത്ത്(30) ആണ് അറസ്റ്റിലായത്. പാലാംകടവ് തൈവേലിയ്ക്കകത്ത് ജയ സാലിയാണ് പരാതിക്കാരി.
വിദേശത്തായിരുന്ന പ്രതി ഇന്നലെ നാട്ടില്‍ വന്നിട്ടുണ്ട് എന്ന് സി.ഐ അനില്‍കുമാറിനു രഹസ്യവിവരം ലഭിച്ചതിന്റെ അടിസ്ഥാനത്തില്‍ ഷാഡോ പൊലിസുകാരായ കെ നാസര്‍, പി.കെ ജോളി എന്നിവരാണ് ഇയാളെ അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി.