കല്‍പ്പറ്റ: ഏഴാം ക്ലാസ്സുകാരിയെ ഉപദ്രവിച്ചുവെന്ന പരാതിയില്‍ രണ്ടാനച്ഛനെയും മറ്റൊരു യുവാവിനെയും പൊലിസ് അറസ്റ്റ് ചെയ്തു.
മീനങ്ങാടി സര്‍ക്കിള്‍ ഇന്‍സ്‌പെക്ടറാണ് അറസ്റ്റ് ചെയ്തത്. ഏതാനും ദിവസങ്ങള്‍ക്ക് മുന്‍പ് മറ്റൊരു യുവാവിനെ പൊലിസ് അറസ്റ്റ് ചെയ്തിരുന്നു. വിവാഹ വാഗ്ദാനം നല്‍കി പ്രതികള്‍ പെണ്‍കുട്ടിയെ ഉപദ്രവിച്ചുവെന്നും അതിന് രണ്ടാനച്ഛന്‍ കൂട്ടുനിന്നുവെന്നുമാണ് പരാതി. ഫെബ്രുവരി 20ന് പെണ്‍കുട്ടിയെ ദുരൂഹസാഹചര്യത്തില്‍ കാണാതായിരുന്നു. തുടര്‍ന്ന് മാതാവ് പൊലിസില്‍ പരാതി നല്‍കുകയായിരുന്നു. കുട്ടിക്ക് പ്രായപൂര്‍ത്തിയായതാണെന്നും പ്രായം കുറച്ച് കാണിച്ച് സ്‌കൂളില്‍ ചേര്‍ത്തതാണെന്നുമാണ് രണ്ടാനച്ഛന്‍ പൊലിസിന് നല്‍കിയ വിവരം. രേഖകള്‍ പ്രകാരം കുട്ടിക്ക് പ്രായപൂര്‍ത്തിയാകാത്തതിനാല്‍ കുട്ടികള്‍ക്കെതിരായ ലൈംഗീക അതിക്രമം തടയല്‍ നിയമം പോക്‌സോ പ്രകാരമാണ് പൊലിസ് കേസെടുത്തിരിക്കുന്നത്.