മനാമ: ബഹ്‌റൈന്‍ എസ്.കെ.എസ്.എസ്. എഫ് സംഘടിപ്പിക്കുന്ന തന്‍ബീഹ് 2017 എന്‍ലൈറ്റനിംഗ് ജാഗരണ ക്യാംപയിന്റെ ഭാഗമായി രണ്ടാംഘട്ട പഠന ക്ലാസ്സ് ഇന്ന് (24ന്) ഉമ്മുല്‍ഹസം ഷാദ് ഓഡിറ്റോറിയത്തില്‍ നടക്കുമെന്ന് ബന്ധപ്പെട്ടവര്‍ അറിയിച്ചു.

വെള്ളിയാഴ്ച രാത്രി 8.30ന് ആരംഭിക്കുന്ന പഠന ക്ലാസ്സിന് സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങള്‍ നേതൃത്വം നല്‍കും.

അഖ് ലാഖു ശബാബ് (യുവാക്കളുടെ സ്വഭാവം) എന്ന വിഷയത്തിലാണ് തങ്ങള്‍ ക്ലാസ്സ് നയിക്കുന്നത്.

ഒരു വര്‍ഷം നീണ്ടു നില്‍ക്കുന്ന ക്യാംപയിന്‍ കഴിഞ്ഞ മാസം മുതലാണ് ആരംഭിച്ചത്. മനാമ സമസ്ത ആസ്ഥാനത്ത് നടന്ന ചടങ്ങില്‍ പാണക്കാട് സയ്യിദ് അബ്ബാസലി ശിഹാബ് തങ്ങളാണ് ക്യാംപയിന്‍ ഉദ്ഘാടനം ചെയ്തത്.

തുടര്‍ന്നുള്ള മാസങ്ങളില്‍ ബഹ്‌റൈനിലുടനീളം വിവിധ ഏരിയകളിലായി വിവിധ വിഷയങ്ങളില്‍ പഠന ക്ലാസ്സുകള്‍ നടക്കും. കൂടുതല്‍ വിവരങ്ങള്‍ക്ക് +97333413570.