ആലപ്പുഴ: വികസന സെമിനാറിന്റെ വേദിയില്‍ ജില്ലയിലെ വിവിധ മേഖലകളിലെ പ്രമുഖരെ ആദരിച്ചു.
രാജീവ് ആലുങ്കല്‍ (കവി), പ്രൊഫ അമൃത ( സാംസ്‌കാരിക രംഗം), എം പി പവിത്രന്‍ (കയര്‍ വ്യവസായം), ജോര്‍ജ്ജ് മാത്യു (വ്യവസായം), കെ എന്‍ പ്രേമാനന്ദന്‍ (പരമ്പരാഗത വ്യവസായം), ഡോ അബ്ദുള്‍ സലാം (ആരോഗ്യമേഖല), വി പി സുനില്‍ (ജൈവ കൃഷി), കെ വി ദയാല്‍ (പരിസ്ഥിതി), ബ്രദര്‍ മാത്യു ആല്‍ബിന്‍ (ജീവകാരുണ്യ പ്രവര്‍ത്തനം), റജി ചെറിയാന്‍ (ടൂറിസം) എന്നിവരേയും കൂടാതെ കേരളത്തിന്റെ സാമൂഹ മാറ്റത്തില്‍ മികച്ച പങ്ക് വഹിച്ച കെ പി എ സിയെ പ്രതിനിധീകരിച്ച് സെക്രട്ടറി എ ഷാജഹാനേയും, മത്സ്യതൊഴിലാളി രംഗത്ത് മികച്ച പ്രവര്‍ത്തനം നടത്തിയ അരൂര്‍എഴുപുന്ന മത്സ്യതൊഴിലാളി സംഘം പ്രസിഡന്റ് ടി കെ തങ്കപ്പന്‍ മാസ്റ്ററേയുമാണ് ആദരിച്ചത്.
ഭക്ഷ്യസിവില്‍സപ്ലൈസ് മന്ത്രി പി തിലോത്തമന്‍ ചടങ്ങ് ഉദ്ഘാടനം ചെയ്തു. ഫാ. വി പി ജോസഫ് വലിയവീട്ടില്‍ പങ്കെടുത്തു. സി പി ഐ സംസ്ഥാന കൗണ്‍സില്‍ അംഗം കെ എം ചന്ദ്രശര്‍മ്മ അധ്യക്ഷത വഹിച്ചു. ജില്ലാ അസിസ്റ്റന്റ് സെക്രട്ടറി എന്‍ സുകുമരാപിള്ള സ്വാഗതം പറഞ്ഞു. ആര്‍ സുരേഷ് നന്ദി പറഞ്ഞു.