പേരാമ്പ്ര: കോടതി റോഡില്‍ പൊലിസ് സ്റ്റേഷനു സമീപം ബി.എസ്.എന്‍.എല്‍ ഒപ്റ്റിക്കല്‍ ഫൈബര്‍ കേബിള്‍ മുറിഞ്ഞതിനാല്‍ രണ്ടു ദിവസമായി കക്കയം, കൂരാച്ചുണ്ട്, ചക്കിട്ടപാറ, ചെമ്പനോട ടെലിഫോണ്‍ എക്‌സ്‌ചേഞ്ചുകള്‍ തകരാറിലായി. സ്വകാര്യ മൊബൈല്‍ കമ്പനികളുടെ കേബിള്‍ സ്ഥാപിക്കാന്‍ മെഷീന്‍ ഉപയോഗിച്ച് പാതയോരത്ത് ട്രഞ്ചുണ്ടാക്കുന്നതിനിടെയാണ് ബി.എസ്.എന്‍.എല്‍ കേബിള്‍ മുറിമഞ്ഞത്. ഇതോടെ നാല് എക്‌സ്‌ചേഞ്ചുകളും ഒന്നിച്ചു പ്രവര്‍ത്തനരഹിതമാവുകയായിരുന്നു. ഇന്നലെ ഉച്ചയോടെ കേബിള്‍ തകരാര്‍ പരിഹരിച്ചെങ്കിലും വൈകിട്ടോടെ വീണ്ടും തകരാറിലാവുകയായിരുന്നു. മൊബൈല്‍ ഇന്റര്‍നെറ്റ് സംവിധാനങ്ങളും നിശ്ചലമായി. പ്രശ്‌നം പരിഹരിക്കാന്‍ സത്വര നടപടി സ്വീകരിച്ചു വരുന്നുണ്ടെന്നു ബന്ധപ്പെട്ടവര്‍ അറിയിച്ചു.