തളിപ്പറമ്പ്: സയ്യിദ് നഗറില്‍ സി.എച്ച് സെന്റര്‍ നടത്തുന്ന റമദാന്‍ കാരുണ്യ സംഗമത്തിന് തുടക്കമായി. കണ്ണൂര്‍ ജില്ലാ നാഇബ് ഖാസി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. സി.എച്ച് സെന്ററിനായുള്ള പ്രവര്‍ത്തനം ദൈവപ്രീതിക്കായുള്ള മാര്‍ഗമാണെന്നും ഈ കാരുണ്യ പ്രവര്‍ത്തനത്തിന് കരുത്തേകാന്‍ ഓരോരുത്തരും തയാറാവണമെന്നും ഉമര്‍ മുസ്‌ലിയാര്‍ പറഞ്ഞു. തളിപ്പറമ്പ് സി.എച്ച് സെന്റര്‍ പ്രസിഡന്റ് അഡ്വ. എസ്. മുഹമ്മദ് അധ്യക്ഷനായി.
പി.ഒ.പി മുഹമ്മദലി ഹാജി, മഹമൂദ് അള്ളാംകുളം, ഇബ്രാഹിം കുട്ടി തിരുവട്ടൂര്‍, നാഷനല്‍ മുസ്തഫ ഹാജി, കെ. മുസ്തഫ ഹാജി, എ.പി ബദറുദ്ദീന്‍, സി. മുഹമ്മദ് സിറാജ്, ഇഖ്ബാല്‍ കോയിപ്ര, പി. സിദ്ദീഖ്, യൂത്ത് ലീഗ് നേതാക്കളായ പി.കെ സുബൈര്‍, സി.പി.വി അബ്ദുല്ല, പി. മുഹമ്മദ് ഇഖ്ബാല്‍, കൊടിയില്‍ സലിം, എസ്. ഷുക്കൂര്‍ ഹാജി, വി.എ റഹിം, എം. ഹുസൈന്‍, വ്യാപാരി നേതാവ് കെ.പി ഹസന്‍ ഹാജി, കെ.എം.സി.സി നേതാക്കളായ ഷറഫുദ്ദീന്‍ കുപ്പം, ഷബീര്‍ അള്ളാംകുളം, അഡ്വ. അബ്ദുല്‍ കരീം ചേലേരി, പി.ടി.എ കോയ സംസാരിച്ചു. ഇന്ന് രാവിലെ ഒമ്പതിന് രണ്ടാംദിനം മുസ്‌ലിം ലീഗ് സംസ്ഥാന വൈസ് പ്രസിഡന്റ് വി.കെ അബ്ദുല്‍ ഖാദര്‍ മൗലവി ഉദ്ഘാടനം ചെയ്യും. മുസ്തഫ ഹുദവി ആക്കോട് പ്രഭാഷണം നടത്തും.