'സ്റ്റോപ് സോറോസ് ആക്ട് ' എന്ന പേരിലാണു കുടിയേറ്റക്കാരെ സഹായിക്കുന്നത് ക്രിമിനല്‍ കുറ്റമാക്കിയുള്ള പുതിയ നിയമഭേദഗതി ബില്‍ ഹംഗറി ഭരണകൂടം തയാറാക്കിയിരിക്കുന്നത്. ഹംഗേറിയന്‍-അമേരിക്കന്‍ ശതകോടീശ്വരനും ജീവകാരുണ്യ പ്രവര്‍ത്തകനുമായ ജോര്‍ജ് സോറോസിനെസൂചിപ്പിച്ചാണ് ഇങ്ങനെയൊരു പേര് ഇതിനു നല്‍കിയിരിക്കുന്നത്.
സോറോസ് മുസ്‌ലിം കുടിയേറ്റക്കാരെ യൂറോപ്പിലേക്കു കടന്നുവരാന്‍ പ്രേരിപ്പിക്കുന്നുവെന്ന് ഹംഗറി ഭരണകൂടം നിരന്തരം കുറ്റപ്പെടുത്തുന്നു. സോറോസ് സ്ഥാപിച്ച യൂറോപ്പിലെ തന്നെ പ്രശസ്ത സര്‍വകലാശാലയായ സെന്‍ട്രല്‍ യൂറോപ്യന്‍ യൂനിവേഴ്‌സിറ്റി(സി.ഇ.യു)ക്കെതിരേ ജെ.എന്‍.യു സംഭവത്തിനു സമാനമായ കടുത്ത വേട്ടയാണ് കഴിഞ്ഞ വര്‍ഷം സര്‍ക്കാരിന്റെ നേതൃത്വത്തിലുണ്ടായത്.