ഗൂഡല്ലൂര്‍: ഗൂഡല്ലൂരില്‍ നിന്നും മാങ്കോട്ടിലേക്കുള്ള ബസ് സര്‍വിസ് മുന്നറിയിപ്പില്ലാതെ അധികൃതര്‍ നിര്‍ത്തിയതായി പരാതി.
സര്‍വിസ് നിര്‍ത്തലാക്കിയതോടെ പാട്ടവയല്‍, ബിതര്‍ക്കാട്, സൂസന്‍ പാടി, നെല്ലാക്കോട്ട, മേഫീല്‍ഡ്, ദേവര്‍ഷോല, പാടന്തറ തുടങ്ങിയ പ്രദേശങ്ങളിലെ യാത്രക്കാരാണ് ദുരിതത്തിലായിരിക്കുന്നത്. അതിരാവിലെ ഗൂഡല്ലൂരിലെത്തുന്ന യാത്രക്കാര്‍ക്ക് കേരളം, തമിഴ്‌നാട് സംസ്ഥാനങ്ങളുടെ വിവിധ ഭാഗങ്ങളിലേക്ക് പോകാന്‍ ഈ ബസായിരുന്ന ആശ്രയം. ഗൂഡല്ലൂരില്‍ നിന്ന് വൈകീട്ട് 7.45ന് മാങ്കോട്ടിലേക്ക് പോകുന്ന ബസ് പിറ്റേ ദിവസം രാവിലെ അഞ്ച് മണിക്ക് ഗൂഡല്ലൂരിലേക്ക് തിരിച്ചു പോകുന്ന തരത്തിലായിരുന്ന ഈ സര്‍വിസ്.