തിരൂര്‍: വൈരങ്കോട് എ.എം.യു.പി സ്‌കൂളിന്റെ 92-ാം വാര്‍ഷികവും യാത്രയയപ്പ് സമ്മേളനവും ആഘോഷിച്ചു. യാത്രയയപ്പ് സമ്മേളനം തിരുന്നാവായ പഞ്ചായത്ത് പ്രസിഡന്റ് ഫൈസല്‍ എടശ്ശേരി ഉദ്ഘാടനം ചെയ്തു. അനീന ഷാജഹാന്‍ അധ്യക്ഷയായി. സിനിമാതാരങ്ങളായ അന്‍സില്‍, അനുമോള്‍, ആഴ്‌വാഞ്ചേരി തമ്പ്രാക്കള്‍, രവീന്ദ്രന്‍, ഷക്കീല കലാം, ജാബിര്‍ അമരിയില്‍, നാസര്‍ തയ്യില്‍, ജയകുമാര്‍ തുടങ്ങിയവര്‍ സംസാരിച്ചു. മണ്ഡലത്തിലെ മികച്ച സര്‍ക്കാര്‍ സ്‌കൂളിനുള്ള പുരസ്‌കാരം വൈരങ്കോട് എ.എം.എല്‍.പി സ്‌കൂളിന് പഞ്ചായത്ത് പ്രസിഡന്റ് ഫൈസല്‍ എടശ്ശേരി സമര്‍പ്പിച്ചു. സ്‌കൂളില്‍ നിന്ന് വിരമിക്കുന്ന അധ്യാപകരായ ജോസഫ് ജേക്കബ്, എന്‍. വത്സല, കെ. സൗഭാഗ്യലക്ഷ്മി, പി. വാസുദേവനുണ്ണി എന്നിവര്‍ക്ക് മാനേജ്‌മെന്റിന്റെ ഉപഹാരം സി. മൊയ്തീന്‍, ബക്കര്‍ അമരിയില്‍ തുടങ്ങിയവര്‍ സമ്മാനിച്ചു. തുടര്‍ന്ന് കുട്ടികളുടെ കലാപരിപാടികള്‍ അരങ്ങേറി. സദനം റഷീദും ഹരിതയും നൃത്താവ്ഷിക്കാരം അവതരിപ്പിച്ചു. അബു പരപ്പില്‍ സ്വാഗതവും ആര്‍. കൃഷ്ണകുമാരി നന്ദിയും പറഞ്ഞു.