പാരീസ്: ഫ്രാന്‍സിന്റെ തലസ്ഥാനമായ പാരീസിലുണ്ടായ സ്‌ഫോടനത്തില്‍ 20 പേര്‍ക്ക് പരുക്കേറ്റു. പരുക്കേറ്റവരില്‍ നാലു പേരുടെ നില ഗുരുതരമാണ്. പാരീസിന്റെ വടക്കുകിഴക്കന്‍ അതിര്‍ത്തിപ്രദേശമായ വിയ്യാപിന്റെയിലാണ് സംഭവം. ഇവിടെ നടന്ന കാര്‍ണിവലിനിടെയാണ് സ്‌ഫോടനമുണ്ടയാത്.

പ്രാദേശിക സമയം വൈകീട്ട് 5.30ഓടെയാണ് സ്‌ഫോടനമുണ്ടായത്. കാര്‍ണിവലിന്റെ ഭാഗമായി കൂട്ടിയിട്ടിരുന്ന പാഴ്‌വസ്തുക്കള്‍ക്ക് തീ കൊടുത്തപ്പോഴാണ് സ്‌ഫോടനമുണ്ടായത്. പൊട്ടിത്തെറി അബദ്ധവശാല്‍ ഉണ്ടായതാണെന്നും സ്‌ഫോടനത്തിന് ഭീകരാക്രമണവുമായി ബന്ധമില്ലെന്നും അധികൃതര്‍ അറിയിച്ചു. പരുക്കേറ്റവരെ അടുത്തുള്ള ആശുപത്രികളില്‍ പ്രവേശിപ്പിച്ചിരിക്കുകയാണ്.