തിരുവനന്തപുരം: സംസ്ഥാനത്ത് കൂടുതല്‍ കൊവിഡ് ബാധ സ്ഥിരീകരിക്കുന്ന സാഹചര്യത്തില്‍ ഒന്‍പത് സ്ഥലങ്ങള്‍ കൂടി  ഹോട്ട് സ്‌പോട്ടുകളാക്കി. കണ്ണൂര്‍, പാലക്കാട് ജില്ലകളില്‍ നാലുവീതവും കൊല്ലത്ത് ഒന്നുമാണ് ഹോട്ട് സ്‌പോര്‍ട്ടുകളാക്കിയത്.കൊവിഡ് ബാധിതരുടെ കണക്കുകളുടെ അടിസ്ഥാനത്തിലാണ് ഹോട്ട് സ്‌പോട്ട് നിര്‍ണ്ണയം നടക്കുന്നത്.

കണ്ണൂര്‍ : പാനൂര്‍, മുഴപ്പിലങ്ങാട്, ചപ്പാരപ്പടവ്, മൊകേരി

പാലക്കാട് : കുഴല്‍മന്ദം, വിളവൂര്‍,പുതുശേരി, പുതുപ്പരിയാരം.

കൊല്ലം: കുളത്തൂപ്പുഴ.എന്നിവയാണ് പുതിയ കൊവിഡ് ഹോട്ട് സ്‌പോട്ടുകള്‍.

സംസ്ഥാനത്ത് ഏറ്റവും കൂടുതല്‍ കൊവിഡ് രോഗബാധിതരുള്ള കണ്ണൂര്‍ ജില്ലയില്‍ ട്രിപ്പിള്‍ ലോക്ക്ഡൗണ്‍ പ്രഖ്യാപിച്ചിരുന്നു. ജില്ലയിലെ ഹോട്ട് സ്‌പോട്ടുകള്‍ പൂര്‍ണമായി സീല്‍ ചെയ്തു.

അതേ സമയം നേരത്തെ പട്ടികയില്‍ ഉള്‍പ്പെട്ട ചില പഞ്ചായത്തുകളെ ഹോട്ട് സ്‌പോട്ടില്‍ നിന്ന് ഒഴിവാക്കിയിട്ടുണ്ട്.

കണ്ണൂര്‍: ചൊക്ലി, കതിരൂര്‍

കാസര്‍കോട്: ബദിയടുക്ക

കോഴിക്കോട്: നാദാപുരം

തിരുവനന്തപുരം: മലയന്‍ കീഴ് എന്നിവയാണ് ഒഴിവാക്കിയ ഹോട്ട് സ്‌പോട്ടുകള്‍.