മലപ്പുറം: കനത്ത മഴയില്‍ വീടിന്റെ മതില്‍ തകര്‍ന്നുവീണു. കഴിഞ്ഞ ദിവസം രാത്രി പെയ്ത മഴയിലാണ് കണ്ണത്തുംപാറ തത്തയില്‍ അബ്ദുറഹ്മാന്റെ വീടിന്റെ മതില്‍ക്കെട്ടിന്റെ ഒരുഭാഗം പൂര്‍ണമായും തകര്‍ന്നുവീണത്. മതില്‍ തകര്‍ന്നു മതിലിനു താഴെയുള്ള വെളുത്തോടത്തില്‍ ബിജുവിന്റെ വീടിന്റെ പോര്‍ച്ചില്‍ നിര്‍ത്തിയിട്ടിരുന്ന ബൈക്കിനും കേടുപാടുകള്‍ സംഭവിച്ചു. ശക്തമായ മഴ ഇനിയും തുടര്‍ന്നാല്‍ വീട് ഉള്‍െപ്പടെ തകര്‍ന്ന് വീഴുമോ എന്ന ഭീതിയിലാണ് അബ്ദുറഹ്മാനും കുടുംബവും.