ദുബൈയിലെ 'ദി മ്യൂസിയം ഓഫ് ദി ഫ്യൂച്ചര്‍' ഇതുവരെ 3 ദശലക്ഷത്തിലധികം സന്ദര്‍ശകരെ സ്വീകരിച്ചതായി അധികൃതര്‍ അറിയിച്ചു. 2024 നവംബര്‍ 13നാണ് ദുബൈ മീഡിയ ഓഫീസ് ഇക്കാര്യം വ്യക്തമാക്കിയത്.

The Museum of the Future announced that it has welcomed over 3 million visitors from 177 countries worldwide in under three years since its official opening on 22 February 2022.https://t.co/xzRZuec2vp@MOTF | @DubaiFuture pic.twitter.com/UeXEpfbzek

— Dubai Media Office (@DXBMediaOffice) November 13, 2024

2022 ഫെബ്രുവരി 22നാണ് ദുബൈ ഭരണാധികാരി H.H.  ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമാണ് മ്യൂസിയം ഉദ്ഘാടനം ചെയ്തത്. ഇതുവരെ 177 രാജ്യങ്ങളില്‍ നിന്നുള്ള 3 ദശലക്ഷത്തിലധികം ആളുകളാണ് മ്യൂസിയം സന്ദര്‍ശിച്ചത്. ദുബൈയുടെ തിരക്കേറിയ ഹൃദയഭാഗത്ത് സ്ഥിതി ചെയ്യുന്ന വാസ്തുവിദ്യാ വിസ്മയമായ 'ദി മ്യൂസിയം ഓഫ് ദി ഫ്യൂച്ചര്‍', നൂതനസാങ്കേതികത, ഭാവി വിഭാവനം ചെയ്യല്‍ തുടങ്ങിയ മേഖലകളില്‍ ആഗോള തലത്തിലെ തന്നെ ഒരു പ്രധാന കേന്ദ്രമാണ്.

സമൂഹം നേരിടുന്ന വെല്ലുവിളികള്‍ക്ക് നൂതനമായ പരിഹാരങ്ങള്‍ സൃഷ്ടിക്കാനായി ഭാവി തലമുറയ്ക്ക് ഒരു പരീക്ഷണശാലയായി വര്‍ത്തിക്കുന്ന ദി മ്യൂസിയം ഓഫ് ദി ഫ്യൂച്ചറിനെ ഷെയ്ഖ് മുഹമ്മദ് ബിന്‍ റാഷിദ് ഉദ്ഘാടന വേളയില്‍ 'ഭൂമിയിലെ ഏറ്റവും മനോഹരമായ കെട്ടിടം 'എന്നാണ് വിശേഷിപ്പിച്ചത്.

30000 ചതുരശ്ര മീറ്റര്‍ വിസ്തീര്‍ണ്ണത്തില്‍, ഏഴ് നിലകളിലായി തൂണുകളില്ലാത്ത ഘടനയിലാണ് 'ദി മ്യൂസിയം ഓഫ് ദി ഫ്യൂച്ചര്‍' നിര്‍മ്മിച്ചിരിക്കുന്നത്. 17000 ചതുരശ്ര മീറ്ററിലധികം നീളമുള്ള സ്റ്റെയിന്‍ലെസ് സ്റ്റീലില്‍ പണിതീര്‍ക്കുന്ന ഈ മ്യൂസിയം, എമിറാത്തി കലാകാരനായ മറ്റാര്‍ ബിന്‍ ലഹേജ് രൂപകല്‍പ്പന ചെയ്ത 14000 മീറ്റര്‍ അറബിക് കാലിഗ്രാഫിയാല്‍ സമ്പന്നമാണ്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Museum of the Future in Dubai has achieved a remarkable milestone, welcoming over 3 million visitors. This futuristic landmark, opened in February 2022, offers a unique experience, showcasing potential future scenarios for humanity through advanced technologies and interactive exhibits.