തിരുവനന്തപുരം: എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ മറ്റൊരു സീറ്റില്‍ മത്സരിക്കുമെന്ന സൂചനയുമായി കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍.

ആലപ്പുഴയില്‍ മത്സരിക്കാനില്ലെന്നാണ് വേണുഗോപാല്‍ പറഞ്ഞത്. അതു മത്സരിക്കില്ലെന്ന തീരുമാനമാക്കി വ്യാഖ്യാനിക്കേണ്ടതില്ലെന്നും മുല്ലപ്പള്ളി പറഞ്ഞു. അതേസമയം, താന്‍ ലോക്‌സഭയിലേക്കു മത്സരിക്കാനില്ലെന്ന നിലപാട് മുല്ലപ്പള്ളി ആവര്‍ത്തിച്ചു. ആ ഉറപ്പിന്റെ അടിസ്ഥാനത്തിലാണ് കെ.പി.സി.സി പ്രസിഡന്റായതെന്നും അദ്ദേഹം പറഞ്ഞു. കേരള കോണ്‍ഗ്രസില്‍ പിളര്‍പ്പിന് സാധ്യതയില്ല. കോണ്‍ഗ്രസ് ഇടപെടേണ്ട സാഹചര്യം വന്നാല്‍ മാത്രം ഇടപെടും. പ്രശ്‌നങ്ങള്‍ രമ്യമായി പരിഹരിക്കുമെന്നാണ് പ്രതീക്ഷ. കെ.എം മാണി, പി.ജെ ജോസഫ്, ജോസ് കെ. മാണി എന്നിവരുമായി സംസാരിച്ചു. മറ്റ് ഘടകകക്ഷി നേതാക്കളും പ്രശ്‌നപരിഹാരത്തിനായി ശ്രമിക്കുന്നുണ്ടെന്നും അദ്ദേഹം പറഞ്ഞു.
ലോക്‌സഭാ തെരഞ്ഞെടുപ്പില്‍ ആലപ്പുഴയില്‍ മത്സരിക്കാനില്ലെന്ന് നേരത്തെ വേണുഗോപാല്‍ പറഞ്ഞിരുന്നു.