കൊണ്ടോട്ടി: ബോയിങ് 737 മാക്‌സ് നിര്‍ത്തലാക്കിയതിനെ തുടര്‍ന്ന് കരിപ്പൂരില്‍ നിന്ന്് ജിദ്ദയിലേക്ക് ആരംഭിക്കാനിരിക്കുന്ന സ്‌പെയ്‌സ് ജെറ്റ് പുതിയ വിമാനമെത്തിക്കും. അടുത്തമാസം 20 മുതലാണ് ജിദ്ദ സര്‍വീസ് സ്‌പെയ്‌സ് ജെറ്റ് ആരംഭിക്കുന്നത്.ജിദ്ദയിലേക്കുളള ആദ്യ ബജറ്റ് എയര്‍ലൈനാണിത്.
സഊദി എയര്‍ലൈന്‍സിന് പിറകെ കരിപ്പൂരില്‍ നിന്ന് ജിദ്ദയിലേക്ക് ആരംഭിക്കുന്ന സ്‌പെയ്‌സ് ജെറ്റിന്റെ ടിക്കറ്റ് ബുക്കിങ് ആരംഭിച്ചിട്ടുണ്ട്. സ്‌പെയ്‌സ് ജെറ്റ് ബോയിങ് 737 മാക്‌സ് വിമാനമാണ് നിലവില്‍ കരിപ്പൂരില്‍ നിന്ന് ഉപയോഗിക്കാന്‍ തീരുമാനിച്ചിരുന്നത്. എന്നാല്‍ ഈ വിമാനങ്ങള്‍ക്ക് വിലക്ക് വന്നതോടെ സര്‍വീസ് മുടക്കാതെ പുതിയ വിമാനമെത്തിച്ച് സര്‍വീസ് ആരംഭിക്കും. സ്‌പെയ്‌സ് ജെറ്റിന്റെ ഹൈദരാബാദ് -ജിദ്ദ സര്‍വീസ് ഈ മാസം 25 മുതല്‍ ആരംഭിക്കും. വിമാന ടിക്കറ്റ് നിരക്ക് താരതമ്യേന കുറവാണ് സ്‌പെയ്‌സ് ജെറ്റിനുളളത്.