കൊല്‍ക്കത്ത: ഉംപൂന്‍ ചുഴലിക്കാറ്റ് നാശം വിതച്ച പശ്ചിമബംഗാളില്‍ രക്ഷാപ്രവര്‍ത്തനത്തിന് സൈന്യമിറങ്ങി. മുഖ്യമന്ത്രി മമത ബാനര്‍ജിയുടെ ആവശ്യം പരിഗണിച്ചാണ് സൈനികരുടെ അഞ്ച് കമ്പനി സംഘത്തെ രക്ഷാപ്രവര്‍ത്തനത്തിന് കേന്ദ്രം അയച്ചത്.

കൊല്‍ക്കത്ത നഗരത്തിലാണ് സൈന്യം രക്ഷാപ്രവര്‍ത്തനത്തിനായി ഇറങ്ങിയത്. ഇനിയുള്ള രക്ഷാ പ്രവര്‍ത്തനത്തില്‍ സര്‍ക്കാര്‍ നിര്‍ദേശാനുസരണം സൈന്യവും രംഗത്തുണ്ടാവും.

അതേസമയം സംസ്ഥാനത്തിന് കേന്ദ്രസര്‍ക്കാര്‍ അനുവദിച്ച ആയിരം കോടി രൂപയുടെ ധനസഹായം ദുരിതാശ്വാസ പാക്കേജിന്റെ ഭാഗമല്ലെന്ന് പശ്ചിമ ബംഗാള്‍ ഗവര്‍ണര്‍ ജഗദീപ് ധന്‍കര്‍ വ്യക്തമാക്കി. ആയിരം കോടി രൂപയുടെ മുന്‍കൂര്‍ ധനസഹായമാണ് കേന്ദ്രസര്‍ക്കാര്‍ പ്രഖ്യാപിച്ചതെന്നും ഗവര്‍ണര്‍ വ്യക്തമാക്കി.