കാസര്‍കോട്: ബദിയടുക്കയിലെ സ്‌കൂള്‍ വിദ്യാര്‍ഥിയില്‍നിന്ന് പെന്‍സിഗരറ്റും പാന്‍മസാല ഉല്‍പന്നങ്ങളും പൊലിസ് പിടികൂടി.
ഇലക്ട്രോണിക് പെന്‍സിഗരറ്റ് ചൂടാക്കി അതില്‍ ബ്രെയിന്‍ ഫ്രീസെന്ന പേരിലുള്ള ദ്രാവകം ഒഴിച്ച് വലിക്കുന്ന തരത്തിലുള്ള ഉപകരണമാണ് പൊലിസ് പിടിച്ചെടുത്തത്.
ഇതിനു പുറമെ നിരോധിത പാന്‍ഉല്‍പന്നങ്ങളും വിദ്യാര്‍ഥിയില്‍നിന്ന് കണ്ടെടുത്തു. സംഭവം സംബന്ധിച്ച് പൊലിസ് വിശദമായ അന്വേഷണം നടത്തിവരികയാണ്.
അതേസമയം ജില്ലയിലെ സ്‌കൂള്‍ വിദ്യാര്‍ഥികളെ ലക്ഷ്യംവച്ച് ലഹരി മാഫിയകള്‍ വിവിധ ലഹരി വസ്തു ഉപകരണങ്ങള്‍ വിപണിയില്‍ ഇറക്കിയിട്ടുണ്ട്. ജില്ലയിലെ വിദ്യാര്‍ഥികള്‍ ഉള്‍പ്പെടെയുള്ളവരെ ലഹരിയിക്കടിമപ്പെടുത്താന്‍ പെന്‍ സിഗരറ്റുകള്‍ ഉള്‍പ്പടെയുള്ള ഉപകരണങ്ങള്‍ ഇറക്കിയതായി സുപ്രഭാതം നേരത്തേ റിപ്പോര്‍ട്ട് ചെയ്തിരുന്നു.