തിരുവനന്തപുരം: സംസ്ഥാനത്ത് ഇന്നും നാളെയും മഴ കുറയുമെന്ന് കാലാവസ്ഥാ നിരീക്ഷണ കേന്ദ്രം. ഇന്ന് ഒരിടത്തും ശക്തമായ മഴക്കുള്ള സാധ്യത പ്രവചിക്കപ്പെട്ടിട്ടില്ല. നാളെ കാസര്‍കോട് ജില്ലയില്‍ ശക്തമായ മഴക്ക് സാധ്യതയുള്ളതിനാല്‍ യെല്ലോ അലര്‍ട്ട് നല്‍കിയിട്ടുണ്ട്.
തിങ്കളാഴ്ച വരെ പൊതുവേ മഴ കുറവായിരിക്കുമെന്നാണ് വിലയിരുത്തല്‍. മത്സ്യത്തൊഴിലാളികള്‍ക്ക് പ്രത്യേക മുന്നറിയിപ്പുകളില്ല.അതേസമയം ഉത്തരേന്ത്യയില്‍ ഞായറാഴ്ച വരെ പ്രളയ സാധ്യത സൃഷ്ടിക്കുംവിധം മഴയുണ്ടാകുമെന്ന് മുന്നറിയിപ്പുണ്ട്. ബിഹാര്‍, പശ്ചിമ ബംഗാള്‍,സിക്കിം,അരുണാചല്‍ പ്രദേശ്, അസം,മേഘാലയ എന്നിവിടങ്ങളില്‍ ഇന്നും നാളെയും റെഡ് അലര്‍ട്ട് പ്രഖ്യാപിച്ചിരിക്കുകയാണ്.