ദ്വാരക: മികച്ച വസ്ത്രാലങ്കാരത്തിനുള്ള ഈ വര്‍ഷത്തെ സംസ്ഥാന ചലച്ചിത്ര അവാര്‍ഡ് കരസ്ഥമാക്കിയ സ്റ്റെഫി സേവ്യറിന് എടവക പഞ്ചായത്തിന്റെ നേതൃത്വത്തില്‍ സ്വീകരണം നല്‍കി.
അനുമോദന സമ്മേളനം പഞ്ചായത്ത് പ്രസിഡന്റ് ഉഷാ വിജയന്‍ ഉദ്ഘാടനം ചെയ്തു. പഞ്ചായത്തിന്റെ ഉപഹാരം കവി സാദിര്‍ തലപ്പുഴ സമ്മാനിച്ചു. പഞ്ചായത്ത് വൈസ് പ്രസിഡന്റ് നജ്മുദ്ദീന്‍ മൂടമ്പത്ത് അധ്യക്ഷനായി.  സ്ഥിരം സമിതി ചെയര്‍പേഴ്‌സണ്‍ ആമിന അവറാന്‍, ബ്ലോക്ക് പഞ്ചായത്ത് മെമ്പര്‍മാരായ ഫാത്തിമ ബീഗം, ബിന്ദു ജോണ്‍, മനു ജി കുഴിവേലി, സി.ഡി.എസ് ചെയര്‍പേഴ്‌സണ്‍ കെ.പി ഗിരിജ സംസാരിച്ചു. സാദിര്‍ തലപ്പുഴക്കുള്ള ഉപഹാരം ഉഷ വിജയന്‍ സമ്മാനിച്ചു.  എം.ആര്‍ പ്രഭാകരന്‍ സ്വാഗതവും വി.കെ ശ്രീകുമാര്‍ നന്ദിയും പറഞ്ഞു.