തിരുവനന്തപുരം: ആയുര്‍വേദത്തിന്റെ പ്രചാരം ഇനിയും വളരെയധികം വര്‍ധിക്കേണ്ടിയിരിക്കുന്നുവെന്ന് മന്ത്രി കടകംപള്ളി സുരേന്ദ്രന്‍. ശാസ്ത്രജ്ഞനായ ഡോ. മുഹമ്മദ് മജീദിന്റെ ആയുര്‍വേദരംഗത്തെ പരീക്ഷണങ്ങളെയും അദ്ദേഹത്തിന്റെ നേതൃത്വത്തിലുള്ള മജീദ് ഫൗണ്ടേഷന്റെ പ്രവര്‍ത്തനങ്ങളെയും കുറിച്ച് ഫോര്‍ത്ത് ജനറേഷന്‍ അസോസിയേറ്റ് സമര്‍പ്പിച്ച ഉപകാരഗ്രന്ഥത്തിന്റെ പ്രകാശനകര്‍മം നിര്‍വഹിക്കുകയായിരുന്നു മന്ത്രി. അമേരിക്കന്‍ ഐക്യനാടുകളില്‍ മാറാരോഗങ്ങള്‍ മാറ്റാനായി ആയുര്‍വേദ മരുന്നുകള്‍ കണ്ടുപിടിച്ച് ആധിപത്യം ഉറപ്പിച്ച ഡോ. മുഹമ്മദ് മജിദിനെയും സ്ഥാപനങ്ങളെയും മന്ത്രി അഭിനന്ദിച്ചു. ഫോര്‍ത്ത് ജനറേഷന്‍ അസോസിയേറ്റ് സെക്രട്ടറി എം. ആഷിഖ് മുഹമ്മദില്‍ നിന്ന് ആദ്യപ്രതി മന്ത്രി സ്വീകരിച്ചു.
തിരുവിതാംക്കൂര്‍ ദേവസ്വം ബോര്‍ഡ് റിക്രൂട്ട്‌മെന്റ് കമ്മിഷന്‍ ചെയര്‍മാന്‍ അഡ്വ. രാജഗോപാലന്‍നായര്‍, കേരള മുസ്്‌ലിം ജമാഅത്ത് കൗണ്‍സില്‍ സംസ്ഥാന പ്രസിഡന്റ് കരമന ബയാര്‍, ബംഗ്ലാവില്‍ റഷീദ്, സ്വാമി ആതുരാനന്ദ പങ്കെടുത്തു.