കണ്ണൂര്‍: മാധവറാവുസിന്ധ്യ ചാരിറ്റബിള്‍ ട്രസ്റ്റിന്റെയും ദയ ചാരിറ്റബി
ള്‍ ട്രസ്റ്റിന്റെയും ആഭിമുഖ്യത്തിലുള്ള അഖിലേന്ത്യാ വെറ്ററന്‍സ് ഫുട്‌ബോള്‍ ടൂര്‍ണമെന്റില്‍ ഒരു ഗോളിന് കണ്ണൂര്‍ വെറ്ററന്‍സ് ടീമിനെ പരാജയപ്പെടുത്തി ബംഗളുരു യൂനൈറ്റഡ് സെമിബര്‍ത്ത് കരസ്ഥമാക്കി. രണ്ടാം മത്സരത്തില്‍ കണ്ണൂരിലെ ഗ്ലാമര്‍ ക്ലബ്ബായ കെല്‍ട്രോണിനെ ഏകപക്ഷീയമായ നാലു ഗോളിന് പരാജയപ്പെടുത്തി ഗോവ വെറ്ററന്‍സ് സെമിയില്‍ കടന്നു. ആദ്യ പകുതിയില്‍ രണ്ട് ഗോളിന് ഗോവ മുന്നിട്ടു നിന്നിരുന്നു. രണ്ടാം പകുതിയിലും രണ്ട് ഗോളുകള്‍ കൂടി നേടി ഗോള്‍ പട്ടിക പൂര്‍ത്തിയാക്കി. കളിക്കാരെ സി.ഐ ടി.കെ രത്‌നകുമാറും ഇന്ത്യന്‍ ടാക്‌സ് കമ്മിഷണര്‍ സദാനന്ദനും പരിചയപ്പെട്ടു. മുന്‍ ഇന്ത്യന്‍ കളിക്കാര്‍ക്കുള്ള ഉപഹാരം അഡ്വ. ടി.ഒ മോഹനന്‍, ടി.കെ രത്‌നകുമാര്‍, ചാര്‍ട്ടേഡ് അക്കൗണ്ടന്റ് ജേക്കബ് എന്നിവര്‍ നല്‍കി. ആദ്യ സെമിയില്‍ ബംഗളുരു യൂനൈറ്റഡ് വെറ്ററന്‍സ് അക്ബര്‍ ട്രാവര്‍സ് ജിംഖാനയെ നേരിടും. സെമി ഫൈനല്‍ മത്സരം ഇന്ന് നടക്കും. ആദ്യമല്‍സരത്തില്‍ ദുബായ് എക്‌സ്പാറ്റ്‌സ് മാസ്റ്റേര്‍സ് ചെന്നൈയെ നേരിടും.