ചാലക്കുടി: സ്പിരിറ്റ് കടത്ത് കേസിലെ പ്രതി അഞ്ചുവര്‍ഷത്തിനുശേഷം പിടിയില്‍. ചാലക്കുടി ഡിവൈ.എസ് പി.കെ ലാല്‍ജിയും സംഘവും തിരുവനന്തപുരം കന്യാകുമാരി ജില്ലാ അതിര്‍ത്തിയില്‍ നടത്തിയ പരിശോധനയിലാണ് പ്രതി അറസ്റ്റിലായത്. തിരുവനന്തപുരം നെയ്യാറ്റിന്‍കര വില്ലേജില്‍ വെള്ളറട സ്വദേശി ചാരുംകുഴി വീട്ടില്‍ വെള്ളയ്യന്‍ എന്ന നിതീഷ് (30) ആണ് പിടിയിലായത്. അഞ്ചുവര്‍ഷം മുന്‍പ് പുതുക്കാട് കെ.എസ്.ആര്‍.ടി ബസ് സ്റ്റാന്‍ഡിനു സമീപം പൊലിസ് നടത്തിയ പരിശോധനയിലാണ് വലിയ കന്നാസുകളില്‍ നിറച്ച നിലയില്‍ ആയിരത്തോളം ലിറ്റര്‍ സ്പിരിറ്റ് പിടികൂടിയത്. സംഭവ സ്ഥലത്തുവച്ച് മറ്റു രണ്ടു തിരുവനന്തപുരം സ്വദേശികളെയും അറസ്റ്റു ചെയ്തിരുന്നു.
ഒളിവില്‍ കഴിയുകയായിരുന്ന പ്രതിയെ നിരന്തരമായുള്ള നിരീക്ഷണത്തിലൊടുവിലാണ് അറ്സ്റ്റ് ചെയ്യുന്നത്. വൈദ്യ പരിശോധനയ്ക്കും മറ്റു നടപടികള്‍ക്കും ശേഷം നിതീഷിനെ കോടതിയില്‍ ഹാജരാക്കി.