തിരുവനന്തപുരം: തലസ്ഥാനത്ത് പൂന്തുറ സ്വദേശിയിൽ പിടിച്ചെടുത്തത് പാകിസ്ഥാനിൽ അച്ചടിച്ച നോട്ടുകളെന്ന് പൊലിസ്. പൂന്തുറ സ്വദേശിയായ ബർക്കത്തിനെയാണ് വ്യാജനോട്ടുകളുമായി പിടികൂടിയത്. യഥാർത്ഥ നോട്ടുകളെ വെല്ലുന്ന വ്യാജ കറൻസികളായിരുന്നു ഇയാളുടെ പക്കലുണ്ടായിരുന്നത്.

ഒരാഴ്ച മുമ്പാണ് സംഭവം. പൂന്തുറ സ്വദേശി ബർക്കത്ത് 12,500 രൂപയുടെ വ്യാജ നോട്ടുകളുമായി ബാങ്കിൽ എത്തിയത്. തുട‍ര്‍ന്ന് സംശയം തോന്നിയതിനെ തുടര്‍ന്ന് പൊലിസ് പിടികൂടുകയായിരുന്നു. പിന്നീട് നാസിക്കിൽ ജില്ലാ ക്രൈം ബ്രാഞ്ച് നടത്തിയ പരിശോധനയിലാണ് പാകിസ്ഥാനിൽ അച്ചടിച്ച് വിതരണം ചെയ്യുന്നതിന്ന് സമാനമായ നോട്ടുകളാണെന്ന റിപ്പോര്‍ട്ട് ലഭിച്ചത്. അതേസമയം, സഊദിയിൽ പോയപ്പോൾ കൊണ്ടുവന്ന നോട്ടുകളാണെന്ന് പ്രതി മൊഴി നൽകിയിരിക്കുന്നത്. ബർക്കത്തിനെതിരെ യുഎപിഎ ചുമത്തി കേസ് തീവ്രവാദ വിരുദ്ധ സേനക്ക് കൈമാറും.